قصيدة سلامي الى امامي

اللهم صل على محمد وال محمد وعجل فرجهم الشريف

سلامي الى امامي

شلون اشوف من دونك وانت نظر عيني
واذا تيهت طريقي نورك اليدليني

عذب كلامي اهديلك.....ودكات الكلب حراس
اظل عمري امشيلك....ولأخوك البطل عباس
ياهو كال ناسيكم ...بوسط العين مخليكم

شلون من دونك اعيش دنيايه
وانت تغذي النبض وعايش ويايه

موبس عيون ابجيلك ....اخلصهن حتى الجفون
نبضاتي صاحن ادخيلك ....ارحم كلبي المجنون
ياهو كال ناسيكم ....بوسط العين مخليكم

يحسين اني من بعد ابعث الك سلامي
غيرك مولاي ماردت قائدي وامامي

امامي انت وتاج الراس....يحسين عمري الك فدوه
العطر انت تصب احساس....لكل مؤمن صرت قدوه
ياهو كال ناسيكم ...بوسط العين مخليكم

يحسين ناديت من اعتنيت ازورك
يالمهدي كافي غياب عجل ظهورك

باسمك اني رفعت رآيه ....اكتبت بيها كافي غياب
امشي وارتل باسمك آيه ...وجرح فراكك ابد ماطاب
ياهو كال ناسيكم ....بوسط العين مخليكم

كلمات
ريان الموسوي
ونسألكم الدعاء

دومك مبدع خويي الغالي
تحياتي الك وكل التوفيق انشالله

» قصيدة سلامي بدمعتي الرادود قحطان البديري
» قصيدة الجاذبية قصيدة رائعة بحق الامام الحسين عليه السلام
» قصيدة حيره على وزن قصيدة دنيه
» قصيدة من روائع ماقيل عن الامام علي
» قصيدة جرح بلادي