عجيبة شلون ماتنكلب دنيانة؟

عجيبة شلون ما تنكَلب دنيانة؟
وعجيبة الكاع ما هليوم تتفجـر؟
وبيت الله عجيبة...بمولد الكرار
ينطر الجدار...وموته ما ينطر؟
وعجيبة الناس ضلت باقية وللحين
لا حل الغضب لا ساعة المحشـر؟
اشكَد الدنيا وكحة وما تحب الزين
تحب بس ألهواها وبالعجل ينغـر!
ابن العاص يبقه ويبقه ابن سفيان
واختارت علي بمحـرابه يتكــور!
وي طرت الفجـر وتخورس الآذان
وجبـريل ابمجانــة الآذن وكبــر..
صاح الله واكبر يا اله الكون
غدروا بالإمام المرتضى حيدر..
ساجد بالصلاة يتعبد الرحمن
وابن ملجم غدر صاباه وتكَنطر!
راد أيكَوم ياشيعة وكَع عالكَاع
يا وسفه علي الكرار ما يكَدر؟
هذا الخلة عامر مضرب الأمثال
والكرار أسمة وبالحرب ما فر!
هذا الشطر مرحب وازنة نصين
وقلع باب اليهود ودمره ابخيبر!
هذا السيفة آية وصولته زلزال
وذو الفقار بركَاب العدة ينحر!
بالمحراب طايح والدمة غطاه
واثر سيف ألمرادي بجبهته يسعر!!
جرحك ياعلي اشكَد خلة بينة أجروح؟
كل يوم الجروح بشيعتك تكبر!
وبسمار الضلع من صوب الزهراء
تحول سيف من راسك دمه يكَطر!
ولوما طيحتك وتخضب المحراب
ما جان الحسين أنذبح وتوذر!
ولا جان العقيلة أنسبت لأرض الشام
ولا جف البطل عباس تتبتر!
مشكاة الجليل ونورة حيدر جان
قبل خلق البشر مخلوق من جوهر..
قسيم النار والجنة أبو الحسنين
يوكَف عالسراط أبساعة المحشر..
علي المذكور أسمة آية بالقرآن
بالأحزاب بالإنعام بالرحمن والكوثر..
علي المريم حظرها أبصورة القديس
والتندب علي ما يوم تتعسر..
علي اليونس حظرلة أبساعة الشداة
وخلة الحوت بركان البحر تفتر..
علي رافع إدريس وعيسى بن مريم
علي سد الاسكندر باسمة يتفجر..
علي للجب نزل والجان حاربها
بذو الفقار خلة الجان تتطشر..
علي ليث الحرب صولاته معروفات
من يغضب علي ما يظل كل عسكر..
علي نار بحلَك يأجوج والطاغوت
واللات وهُبل من أسمة تتكسر..
علي حجة علي راية علي البرهان
علي البلشدة حاظر عيب يتأخر!
احرص يالموالي تكون انته وياه
تربح دنيتك والآخرة تنسر..
وإذا ضاَك الكَبر والسيئات هواي؟
وإذا منكر اجاك امحظر الدفتر؟
وإذا ألسانك تلعثم ما عرفت أجواب؟
ولا عندك وسيلة ألبيها تتعذر؟
اندب ياعلي واصرخ بعالي الصوت
صدك واعتقد ما يوصلك منكر!
يجفل لو سمع بالمرتضى حيدر!
****************

اللهم صل على محمد وال محمد وعجل فرجهم الشريف
بوركتم اختي الكريمه وعظم الله لكم الاجر
دمتم موفقين

شكرا لك اخي الكريم

على مرورك الدائم وتشريفك متصفحي

فائق احترامي

اللهم صل على محمد وال محمد

الله الله الله كلمات أكثر من رائعة أختي الغالية

تجعل القلب يبكي قبل العين

جزاك الله أفضل الجزاء بكل دمعة موالي يقرأ القصيدة وتأثر
دمتي مؤفقة

شكرا لك غاليتي لتشريفك متصفحي

ونثرك شذى الورود بين اسطري

جزاك الله كل خير لكلماتك الطيبة

دمتي برضا الله