ينشدني الي يريد ايهيج اجروحي باچر عيد يو لاله؟

ينشدني الي يريد ايهيج اجروحي باچر عيد يو لاله؟
يلتنشد شيلي اويه العيد حتى اانطر هلاله
أهو الحزنه حزن عاشور ياعيد اليجيا اباله
اهو الگلبه خشب تابوت يعيد الوادم ابياظيم يا حاله
لاتنشد غريب الشوگ من اتشوف دمعاته بصباح العيد هماله
لا تلچم جرح مصيوب من تنشد عليه يتمحلج شماله
صباح العيد للمرتاح للتلتم عليه وتعايده عياله
صباح العيد للتصبح حمر وجناته من بوسات اطفاله
صباح العيد لليگعد حبيبه أيمازحه أگباله
شعيد يلتناشدني وانه العديت چم عيد عله هالحاله
تفرهد عمري بالغربه .....وتيتم عشگك وضاعت اماله
ربيت بوحشه أحزاني ولامره شفت نجمه فرح بسماي تتلأله
أبات بحضن حسراتي واتوسل سوالف وكت چتاله
حتى بعيد ما مر بيه طيف هواي وتكحل جفنها العين بخياله
الوادم صبحت بالعيد فرحانه............
وانه الصبحت مصيوب مثل گطان يتماطل أويه الفاله
شضمدهن جرح جرحين يا بني ادم جتيره الجروح من غدر الدهر ومرادف افعاله
يطگن حتى لو اشلهن وجروح العشگ يفلان ما ينفعهن أأأأأأأشلاله
يلتنشد شيلي ويه العيد حتى انطر هلاله
والحبيب الما يشوف حبيبه يوم العيد چا شله بحياته يموت أشواله
أأأأأنه من اذكر مضيف اهلي بصباح العيد من تتراگص ابنار الوجاغ وتطرب ادلاله
أونن ونه الخنسه وانوحن نوح يعگوب اعله يوسف لو ترواله
تدري اشوكت أحب العيد واگول اتربه لهلاله.......... احب العيد من يجمع
شمل ضلين بوصااااااااله......

جميل جدا ماخطته يداك

سلمت يداك يامبدعة