كفكف دموعك ياوطن ماعاش من بجاك
انت احلى بقعة من الارض سبحان من سواك
ندري بجروحك خزنن حقك اذا تبجي
نوصيك لتهل الدمع واصبر على بلواك
ام اليروحله ولد تبقه تون سنين
وانت كل ساعة التمر تدفن اظن عشرين
ندريبك تمرمرت والزمن جار عليك
لاجن مثل نخلتك خل يرتفع هاماك
بس بطل من الدمع لاتذرفة ارجوك
نتحمل شما ردت بس دمعة من عيناك
مانحتمل ياوطن لاوحق رب الكون
يكفيك فخرا علي مدفون بترابك
شكد انبياء ورسل صلو بمحرابك
من كل بقاع الارض خصك الباري انطاك
لو مرة جرحك نزف واتالمت وبجيت
جف من ارض كربلا صدك يكون دواك
بقلم درة الكوفة
